radio

Vikipedio enhavas artikolon pri: Radio

Esperanto

Kazo	Ununombro	Plurnombro
Nominativo	radio	radioj
Akuzativo	radion	radiojn

(optiko) elsendaĵo konsistanta el videbla lumo; rektlinia mallarĝa brila strio, kiu eliras el lumanta korpo
La radioj de la matena suno (sunradioj) ĝenis dormi.

Multegaj steloj radias el la ĉielo.

Mi starigis la floron ĉe la fenestro por ke sunlumo povu priradii ĝin.
(fiziko) nevidebla elsendaĵo konsistanta el elektromagnetaj ondoj aŭ subatomaj partikloj kiu (plej ofte) rektlinie traflugas la spacon kaj transportas energion
Kosmaj radioj enhavas tre energiriĉajn partiklojn.

Oni traktas kanceron per iksa surradiado.
io, kio iras de iu centra punkto, diseriĝante kiel branĉoj de ventumilo
Ni promenis en aleoj, aranĝitaj kiel radioj ĉirkaŭ la fontano.
resto aŭ komenco de ĝojiga aŭ klariga influo
La lasta radio de espero jam estingiĝis.

Ŝia radia rideto plibonigis mian humoron.

Ilia respondo ne lasis al mi eĉ radieton de espero.

La vizaĝo de la knabineto disradiis la bonvolemon.
(amaskomunikado) dissendado de sonaj enhavoj
Ĉu vi jam aŭdis la lastan radioelsendon?
(amaskomunikado) radiostacio
(amaskomunikado; tekniko) radioricevilo, radioaparato