ricevi

Esperanto

 Verbo, (transitiva)

Tempo	Pasinteco	Nuneco	Estonteco
Indikativo	ricevis	ricevas	ricevos
Adjektiva aktiva participo	ricevinta	ricevanta	ricevonta
Adjektiva pasiva participo	ricevita	ricevata	ricevota
Substantiva aktiva participo	ricevinto	ricevanto	ricevonto
Substantiva pasiva participo	ricevito	ricevato	ricevoto
Adverba aktiva participo	ricevinte	ricevante	ricevonte
Adverba pasiva participo	ricevite	ricevate	ricevote
Infinitivo	ricevi
Imperativo	ricevu
Kondicionalo	ricevus

Vorterseparo

ricev + i

Signifoj

[1] Ekhavi iun ligitan al si per socia aŭ natura rilato: vi ricevos edzon; ci ricevos mian filinon; Pigmaliono ricevis sian Galateon; la teatraĵo traktis pri du geamantoj, al kiuj la sorto ne permesis ricevi sin reciproke; naskiĝis via patrino, poste ŝi ricevis gefratojn; ili estis tre feliĉaj k ricevis multajn infanojn.

[2] Ekhavi per natura elkreskado: la bebo ricevis sian unuan denton; ricevi barbon; la arboj jam ricevis verdetajn foliojn; el ĉiu milo da semoj, kiujn ni pacience ĵetadis en la teron, apenaŭ unu ricevis radikojn; (analoge) ricevi grizan haron, dikegan ventron; mirtelojn ili manĝis, k ricevis tute bluajn buŝon k vangojn; la arbo ricevis la plej belajn kolorojn!.

[3] Iĝi posedanto de io per dono, alsendo, aljuĝo ks: ricevi monon de patroB, leteron de amikoB; ricevi la unuan premionZ; ricevi ordenonZ, oficon de pastroZ; ricevi profiton, rabaton, renton de bieno; (f) ricevi laŭdon, saluton, bonan akcepton, sian ĝustan lokon; ricevi komision, ordonon, helpon, sakramenton, viziton; kontraŭ s-ro Cart mi konstante ricevas plendojnZ; en la riĉa domo neniam estis ricevitaj leteroj aŭ sciigo pri la filinoZ; (abs) kiu ne petas, tiu ne ricevasZ.

4 Iĝi posedanto de io per interŝanĝo: doni ovon, por ricevi bovonZ; hodiaŭ pagi vi devas, morgaŭ kredite ricevosZ; por ĉiu tago mi ricevas kvin frankojnZ; kie oni povas ricevi tiun specon de cigaredoj?; jam en Kjöge li volis aĉeti por ŝi oran ringon, sed li tion ne faris, ĉar en Kopenhago oni ja certe ricevos multe pli belanZ; tian efikon havis la ŝmiraĵo, sed oni ankaŭ ne povis ricevi ĝin en apotekoZ.

5 Esti tuŝita de io abstrakta, k esti de ĝi iel modifita: ricevi la vivon; de sia promenado li ricevis bonan apetiton; li denove ricevis la konscionZ; teatramanto ofte vizitas la teatron k ricevas baldaŭ teatrajn manierojnZ; la lingvo ricevas de tio grandan faciligonZ; liaj ludoj ricevis tute alian karakteronZ; ricevi fortan impreson, ies influon; la argilo ricevis formon de telero; ni baldaŭ ricevos ŝanĝon de la vetero. ☞ sperti.

[6] Esti trafita de io malbona: ricevi fortan puŝon, batonZ, vundon; ventrodoloron oni ja ricevas tre facile en ilia aĝo; mi ankaŭ ricevis artriton en unu artiko; ricevi kapdoloron; ricevi muŝon en la cerbon (frenezetiĝi); (abs. pp puno) prave li ricevas!; ricevos vulpo por sia kulpo; ricevis bandito laŭ sia merito.

7 Ⓣ (teknikoj [inkl. mekanikon kaj metalurgion]) Estigi al si per sia propra ago: li lerte kunmetis kelkajn tabulojn k ricevis specon de kofro; el la gudro oni ricevas per distilado multajn derivaĵojn; (f) se ni aldonas la literon «t» ni ricevas vortojn montrajnZ.

8 ☇ forkomunikoj (inkl. radioforsonadon, videaĵojn kaj elektrosonsciencon) Esti kapabla selekti difinitajn elektromagnetajn ondojn k transformi ilin en sonondojn: tiu aparato ne ricevas ultrakurtajn ondojn; (analoge) mi facile ricevas Romon, Moskvon; mi ricevas vin malbone.

Samsencaĵoj

[1] akcepti

[2] akiri

[6] pagi, suferi

Derivaĵoj

ricevo. Ago de tiu, kiu ricevas: sciigu al mi la ricevon de mia sendaĵoB; saĝa estas la hundo post ricevo de l’ vundoZ; ricevo k redono de saluto.

ricevado. Daŭra, longa ricevo: ni certigas la ricevadon de ĉiuj eŭropaj radiostacioj.

ricevanto

1 Tiu, kiu ricevas (kontraste al sendinto, donanto).

2 ⚥ Molekulo, al kiu ligiĝas hormono aŭ peranto, el kio rezultas ŝanĝiĝo de la formo de la ricevanto k konsekvence de la ĉela metabolo. ☞ ligato.

ricevebla. Tia, ke oni povas ĝin ricevi: tiu ĉi eldono ne plu estas ricevebla; riceveblaj stacioj.

ricevema ⚕ Tia, kia facile ricevas infektajn malsanojn.

ricevilo ☇ Aparato, kiu ricevas telekomunikajn signalojn (radiotelefoniajn, telegrafajn, radiosignalojn ktp) k reproduktas ilin en sonojn aŭ skribaĵon: galena, kristala, morsa, superheterodina, transistora ricevilo.

ricevujo Ⓚ Ujo, en kiu oni ricevas distilaĵon.

radioricevilo. ricevilo funkcianta per elektromagnetaj ondoj.

send-ricevilo ☇ Aparato ŝaltebla laŭbezone kiel dissendilo aŭ kiel ricevilo.

Kontraŭvortoj

1. sendi

Tradukoj

   

angla: [1] receive → en franca: [1] germana: [1] hispana: [1]

indonezia: [1] terima → id, [1] menerima → id portugala: [1] rusa: [1] sveda: [1] erhålla → sv

Referencoj kaj literaturo

• Majstro, la Esperanta multlingva tradukvortaro: „ricevi“.

Fontoj kaj citaĵoj

itala

 Konjugaciita formo

Elparolo

Gramatikaj trajtoj

• 2a persono ununombro nuntempo aktivo de la verbo ricevere

ricevi estas fleksiita formo de ricevere. Ĉiujn pliajn informojn vi trovas en la ĉefa kapvorto ricevere. Bonvolu do faru kompletigaĵojn nur tie.