aero

El Vikivortaro
Iri al: navigado, serĉi

aero (Esperanto)[redakti]

Wikipedia-logo-v2-eo.svg
Vikipedio enhavas artikolon pri:
Esperanto star.svg Ĉi tiu kapvorto konsistas en fundamenta
radiko, derivaĵo aŭ kunmetaĵo.

Open book 01.svgO-vorto[redakti]

[1] aero
Kazo Ununombro Multenombro
Nominativo aero aeroj
Akuzativo aeron aerojn

Elparolo

IPA: [a'ero]

Hyph.png Vorterseparo

aer/o

Bildo senco en vikivortaro.svg Signifoj

[1] Ⓚ kemio kaj vivkemio: Spirebla nesimpla gaso, kiu ĉirkaŭas Teron: aero konsistas precipe el nitrogeno k oksigeno; pesi, malkomponi la aeron; aerfluo, aerondo, aerhejtado (helpe de varma aero), aertiro (artefarita aerfluo en fornoj, por eksciti la fajron), aertruo (por allasi aeron), aerveziketo (☞ bobelo); kunpremita aero.
2 👥 (en kunmetaĵoj) Tiu gaso aŭ alia, uzata en pneŭmataj objektoj: aerkuseno, aermatraco, aerpafilo, aerbremso.
3 Tiu gaso, rigardata kiel la medio de la vivo: la aero tie estas ja multe tro peza, ke prudenta ekzistaĵo tie povus vivi[1]; seka, humida, saniga sufoka aero; freŝigi la aeron[2]; preni iom da freŝa aero[3]; ŝanĝo de aero (de klimato, por resanigo); aprila vetero—trompa aero[4]; vivi en la libera[5], en plena aero; aerŝakto (por allasi aeron en la minojn); aerterapio (per densigita aŭ maldensigita aero); aerviva (aerbezona).
4 La libera spaco ĉirkaŭ k super ni: la luno estis granda lampo alte en la blua aero[6]; ili tenis la manojn eltirite en la aero[7]; ĝi estas ankoraŭ pasero en la aero[8] (necertaĵo); celi anseron, pafi aeron[9] (mistrafi); kastel’ en aero—malsato sur tero[10] (ĥimerado ne riĉigas); projektoj en aero (vanaj, senbazaj); se li mortos, aŭ forveturos Afrikon, tiam mi restos kun mia familio en la aero[11]; el aero al la tero[12] (tute neatendite); aerdisiĝi (malaperi subite).
5 Tiu spaco, rigardata kiel la medio de la aviado: aerarmeo, aeratako, aerinvado, aerfloto; aerfotografado (elde aviadilo); aerlinio (regula kurso de aviadiloj); aerkavo (loko kun maldensa aero), aermalsano; aerministro, aerpoŝto, aerŝipo, aerveturado. ☞ flugi.

Nuvola apps tree.png Derivaĵoj

aera
1 Konsistanta el aero: aera veziketoB; konstrui aerajn kastelojn[13] (ĥimerajn projektojn). ☞ venta.
2 Estanta en la aero: kelkaj vegetaĵoj havas aerajn radikojn; tute libera, kiel birdo aera[14].
3 Rilata al aero: aera konvencio (pri flugrajtoj); instituto de aeraj esploroj.
4 (figurasence) Malfirma, senbaza: la gloramo havas esencon aeran k senfundamentan[15].
aeri (tr) Ŝveligi aertubon de aŭto per kunpremita aero: senpaga aerado.
aerujo. Parto de aparato, kiu entenas aeron, ĝenerale kunpremitan: aerujo de pneŭmatiko; aerujo de spiraparato de subakva ĉasisto. ☞ aeroforo.
*aerumi (tr) Elmetadi al la aero, por sanigi aŭ forigi haladzojn: aerumi litaĵon, vestojn[16], ĉambron; aerumi ion fundamente[17]; aerumado de tunelo, de akvario.
aeremio (⚕ kuracscienco kaj kirurgio) Enesto de libera aero en la sango k difektoj kaŭzataj de ĝi: aeremio ĉefe trafas la laboristojn en kasono. ☞ kasonmalsano.
aerbezon(ant)a ⚥ Bezonanta oksigenon (O2) por vivi. Sin. aerobia.
aernetoler(ant)a ⚥ Netoleranta oksigenon por vivi. Sin. malaerobia.
aertoler(ant)a ⚥ Ne bezonanta oksigenon por vivi, sed toleranta ĝin. Sin. neaerobia.
plenaere. Ekstere de ĉia konstruaĵo.

Nuvola filesystems www.png Tradukoj[redakti]


? Referencoj kaj pli da informoj:

  • Vikipedia artikolo „aero


Fontoj:

  1. El la verkaro de L.L. Zamenhof.
  2. El la verkaro de L.L. Zamenhof.
  3. El la verkaro de L.L. Zamenhof.
  4. El la verkaro de L.L. Zamenhof.
  5. El la verkaro de L.L. Zamenhof.
  6. El la verkaro de L.L. Zamenhof.
  7. El la verkaro de L.L. Zamenhof.
  8. El la verkaro de L.L. Zamenhof.
  9. El la verkaro de L.L. Zamenhof.
  10. El la verkaro de L.L. Zamenhof.
  11. El la verkaro de L.L. Zamenhof.
  12. El la verkaro de L.L. Zamenhof.
  13. El la verkaro de L.L. Zamenhof.
  14. El la verkaro de L.L. Zamenhof.
  15. El la verkaro de L.L. Zamenhof.
  16. El la verkaro de L.L. Zamenhof.
  17. El la verkaro de L.L. Zamenhof.